CEBU, Philippines — Gipasalig sa kagamhanan sa lungsod sa Minglanilla nga sila ang mobayad sa bayranan sa kuryenti sa matag pampublikong tunghaan sa lungsod.
Kini isip tubag sa mga nagpasiatab nga ang administrasyon ni mayor Rajiv Enad dili mohatag og suporta sa mga eskwelahan.
Si Enad nipasalig sa mga magtutudlo ug administrador sa mga tunghaan atol sa ilang tigom nga sila na ang mobayad sa bayronon nila sa kuryenti gikan sa pampublikong tunghaan sa elementarya ug sekondarya.
Sila sab ang naghatag og sweldo sa mga utility nga maoy tiglimpyo sa tanang eskwelahan.
Naa sab silay gitagana nga pundo alang sa school supplies matag tunghaan, magdepende sa gidak-on o gidaghanon sa mga magtutudlo.
Matud pa ni Enad nga prayoridad niya ang edukasyon ug iyang paningkamotan sa pagsuporta ang mga kalihukan sa tunghaan. /MEL (BANAT NEWS)