Dul-an 100 ka libud-suroy na-rescue
CEBU, Philippines — Moabot na ngadto sa dul-an sa gatus ka mga libud-suroy nga naa nagligdas sa kadalanan ang na rescue sa hiniusang operation sa kagamhanan sukad niadtong nilabay nga adlaw. Kini ang gitug-an ni Grace Luardo, ang pangulo sa CESET nga gikahinabi sa Banat News.
Matud pa ni Luardo, sa unang adlaw sa ilang operasyon, 62 ka mga indibidwal ang ilang na rescue ug adunay naisyuhan ug citation ticket tungod sa kalapasan sa mga ordinansa sa siyudad.
Dugang pa ni Luardo, sa ilang lain nga adlaw nga operation naka rescue sila ug 21 ka mga tawo ug 2 na isyuhan ug citation tickets, tungod sa pataka og panigarilyo ug paglabay sa ilang mga basura. Ang mga na rescue sumala pa ni Luardo, naa gipahimutang sa Taboan Sports Complex.
Ang mga na rescue gikan kini sa mga lugar sa MJ Cuenco, V. Gullas, Sto, Nino, Mango Square, General Maxilum, V. Rama ug uban pa. (BANAT NEWS)
- Latest
