Polis nga mipatay sa iyang asawa gipasakaan na og kaso
CEBU, Philippines — Gipasakaan na og kaso ang usa ka polis nga mipatay sa iyang kaugalingong asawa diha sa siyudad sa Naga niadtong adlaw sa pasko.
Si Police Lt. Col. Junnel Caadlawon, hepe sa kapolisan sa Naga nagkanayon nga kasong parricide ang ilang napasaka nga kaso batok ni Police Staff Sergeant Fernando Mata, 39 anyos.
Nagkanayon si Caadlawon nga dili lang parricide ang ilang gipasaka kundi lakip na ang kaso nga administratiba.
Si Mata nipusil patay sa iyang asawa nga si Heronia, 39 anyos diha mismo sa buhatan sa Women and Children Protection Desk sa Naga Police Station.
Segun sa tahu nireklamo ang asawa ni Mata gumikan sa pagpanagmal niini hinungdan nga nidangop sa buhatan sa kapolisan niadtong Disyembre 25. Samtang ang duha ka anak sa biktima ug sa suspek napaubos na sa stress debriefing. (BANAT NEWS)
- Latest
