CEBU, Philippines — Nagpabutang og satellite office diha sa Barangay Tisa si Cebu City South District Congressman Eduardo Rama aron mas mapaduol pa ngadto sa katawhan ang iyang buhatan.
Ang maong satellite office magsilbi kini nga extension sa iyang kasamtangan nga district office nga nahimutang diha sa Cebu City Hall.
Sa iyang satellite office usab gipahigayon ang payout sa 2nd batch sa Department of Labor and Employment (DOLE) Tulong Panghanapbuhay sa Ating Disadvantaged/Displaced Workers (TUPAD).
Niabot ngadto sa 5,000 ka beneficiaries sa DOLE TUPAD ang nakadawat sa ilang mga payout reference number diin dali nilang ma-claim ang ilang 10 ka adlaw nga community service honorarium diha sa mga remittance centers.
Sa pagduaw ni Rama diha sa Tisa Gym gipadayag niya nga ang iyang panghinaot nga ang mga beneficiary mogamit sa ilang kwarta base sa ilang mga nag-unang panginahanglanon.
Gihangop usab ang kongresista sa iyang mga konsituwente atol sa pagbukas sa iyang satellite office. - Rowena D. Capistrano/BDB (BANAT NEWS)