CEBU, Philippines — Usa ka programa ang ilusad sa Probinsya sa Sugbo alang sa mga kabus nga Sugboanong nanginahanglan og tambal.
Ang maong programa pareho og sistema sa Dasig Sugbo cards kon diin ang usa ka pasyente mamahimong magamit ang maong card aron pagpalit og tambal sa mga partner nga botika sa Probinsya sa Sugbo.
“Mao gihapon na nga system that’s QR coded that will immediately feeded to our central system so no cash. Prescription slip nga naay QR code” matud ni Garcia.
Ang maong slip pirmado sa attending physician o doktor, social welfare officer nga pagpamatuod nga indigent ang beneficiary ug chief of hospital.
Matud sa Gobernador nga dili momenus 31 ka mga dagkong parmasya o botika ug medical suppliers ang nipadayag na og interest nga moapil sa maong programa.
“We are now looking also at entering into a MOA (memorandum of agreement) with pharmacies, suppliers of assistive devices and prosthetics and all those that are needed for medical use, using the same system where a patient, an indigent that may need an artificial arm... other medicines that are not really available sa atong hospitals” suma pa ni Garcia. (BANAT NEWS)