Listahan sa mga frontliners nga makadawat sa OCA giandam na
CEBU, Philippines — Gikompirmar sa pangulo sa Lapu-Lapu City Health Office Dr. Agnes Realiza nga gi-andam na nila ang listahan sa mga health workers ug non-health care workers nga makadawat og One COVID-19 Allowance kun (OCA) sa siyudad sa Lapu-Lapu.
Niadtong miaging adlaw giduso na usab ni Konsehal Emilio Galaroza ang resolusyon nga gitumong alang sa paghatag na sa OCA sa mga frontliners.
Ang OCA ihatag ngadto sa mga HCWs ug non-HCWs nga nagtrabaho sa pribado og publiko nga pasilidad nga nalambigit sa pagtubag sa suliran sa COVID-19. Kini base sa joint memorandum circular 2022-0001 nga giluwatan niadtong Pebrero 10, 2022 sa Department of Health (DOH) ug Department of Budget and Management (DBM).
Nalatid usab sa maong circular nga ang kantidad nga madawat sa mga benepisyaryo mag agad sa risgo sa ilang trabaho, gikan sa P3 mil alang sa low risk, P6mil sa medium risk ug P9 mil sa high risk exposure. Una nang gigahin sa Department Of Health DOH ang mokabat sa P7.919 billion alang sa OCA nga nalakip na sa 2022 General Appropriations Act. —MEL (BANATNEWS)
- Latest
