CEBU, Philippines — Tungod sa gipaabot nga mga lihok-protesta gibutang sa full alert status ang kapulisan sa Dakbayan sa Sugbo sugod ugmang adlawa (Domingo) alang sa SONA ni Marcos sa Lunes.
Si PLt. Col. Janette Rafter, Deputy Director for Operations sa Cebu City Police Office miingon nga andam na ang security plans para sa SONA ni Marcos.
Giandam na ang Civil Disturbance Management nga motabang sa paghatag ug seguridad sa mga kalihukan ug protesta.
Si Bayan Muna Central Visayas Chairman Jaime Paglinawan nitug-an nga mopahigayon sila og Cebu People’s Summit ug People’s SONA ug wala pa sila makapinalisar kung asa ang venue nila kini himuon. — Rowena D. Capistrano/IBM (BANAT NEWS)