MANILA, Philippines — Ang Archdiocese of Cebu nakig-alayon sa mga doktor sa Sugbo aron motabang sa pagsusi sa mga gisumiter nga mga milagro nga nahimo ni Archbishop Teofilo Camomot.
Matud ni Padre Mhar Vincent Balili, vice postulator sa Causes of Saint ni Camomot
nga gitagbo nila ang mga doktor nga naglangkub sa oncologist, surgeon ug uban pa tungod kay sila ang mga frontliner ug makatabang usab sila sa pagpaambit sa prayer card ni Camomot ngadto sa ilang mga pasyente.
Si Balili nagkanayon nga ang maong mga doktor makatabang usab sa proseso sa search
and evaluation sa dagan sa deklarasyon sa healing tungod kay mga medical doctor man sila ug
makahibalo usab sila sa mga criteria.
Sa pagkakaron, padayon pa ang pakisusi sa mga doktor bahin sa giingong pagkaayo sa mga masakiton.
Naglaom si Balili nga adunay mogawas nga usa ka milagro nga dili ma-explain bisan sa science nga maoy magdala unya aron mahimo na nga Santo si Camomot.
Mapasalamaton usab si Archbishop Jose Palma sa mga doktor nga nitabang ug nipaambit
usab sa ilang pasyente sa mga alampuon alang kang Camomot. (Banat News)