Mga kawani sa Talisay City Hall gipaubos sa training workshop
CEBU, Philippines — Gipaubos sa training workshop ang pipila ka mga kawani sa Talisay City Hall kalabot sa ilang pag-ila sa risgo sa mga kalamidad gamit ang Risk Exposure Map sa Mines and Geosciences Bureau.
Si Ross Agot, geologist sa MGB central office nipresentar sa datos nga gihimo sa geo-hazard mapping sa Talisay niadtong tuig 2018. Iyang gipakita ang mga lugar nga landslide prone ug bahaonon.
Gipasabot ni Agot ang mga kinahanglan nga buhaton sa matag usa aron nga mamenosan ang mugnaon nga kadaot.
Ang nanambong sa kalihokan mao ang taga City Disaster Risk Reduction and Management Office (CDRRMO), mga kapitan, kapolisan, kabomberohan, City of Talisay-Traffic Operation and Development Authority (CT-TODA), mga responder ug ang City Social Welfare and Development.
Ang taga Siyudad sa Naga ang gipaubos usab niini nga training diin kaniadto ang ilang lugar nakasinati og grabeng pagdahili sa yuta ug ubay-ubay ang nakalas sa maong insidente. BDB (BANATNEWS)
- Latest
