Mga grupo sa fraternity nanglimpiyo sa campaign posters

CEBU, Philippines — Nagkalain-laing grupo sa fraternity sa Lungsod sa San Fernando ang nanglimpiyo sa campaign posters ug mga basura.

Kini pinangulohan sa kapolisan sa lungsod kinsa nipahigayon sa Oplan Baklas.

Ilang gipangtang-tang ang campaign posters nga wala pa matagad og tang-tang sa mga nikandidato nga tag-iya niini.

Ang mga nikandidato sa piniliay niadtong Mayo 9, 2022 gipahimangnoan nga molimpiyo niini apan aduna pay pipila ka campaign propaganda ang nakaplastada.

Gawas sa campaign posters gilakip usab sa grupo ang pagpamunit sa mga basura nga ilang maagian.

Matud sa grupo nga ang ilang gihimo isip pagtabang sa paglimpiyo sa kalikupan ug gipakita nila ang pagtinabangay bisan ug miyembro sila sa lain-laing grupo. —/BDB (BANAT NEWS)