CEBU, Philippines — Dakong rally sa grupo nga Alayon ang pagahimuon karong gabii diha sa pribadong luna atbang sa Talisay City Hall.
Si Mayor Gerald Anthony “Samsam” Gullas Jr. nagkanayon nga nalipay siya sa ilang pagsuroy-suroy diha sa nagkalain-laing barangay sa Talisay gumikan sa paghangop sa katawhan kanila.
Gilaoman sa mga Talisaynon ang ilang plataporma nga ilang iyagyag sa ilang rally.
“Ang continuity sa program maoy ilang atngan ug uban pa nga mga programa, proyekto ug serbisyo sa katawhan”, matud ni Gullas.
Ilaha usab nga idalit sa ilang rally ang kalingawan ilabi na nga aduna sila’y giimbitar nga artista aron modugang sa paglingaw sa mga Talisaynon.
Si Gullas magpasubli pagkamayor uban niya si kanhi konsehal Richard Francis “Choy” Aznar kinsa magpapiling bise mayor sa siyudad ug sila si incumbent councilors Fe Ylanan, Ferdie Rabaya, kanhi konsehal Eduardo Gullas III, incumbent councilors Rodi Cabigas, Maning Cabriana, Gail Restauro, Lester Daan, ug mga neophyte nga sila si Lito Bacaltos, Rocky Bas ug kanhi konsehal Danny Caballero. BDB (BANATNEWS)