Tulo na lang ka menor ang wala pa mabalik sa Operation Second Chance
CEBU, Philippines — Tulo na lang ka menor de edad kinsa nakaeskapo gikan sa Operation Second Chance niadtong Abril 9, 2022 ang padayon pa karon nga gipangita.
Kini ang gibutyag ni Police Lieutenant Colonel Ryan Devaras, deputy city director for administration sa Cebu City Police Office.
Matud ni Devaras nga sa 20 ka menor nga ni eskapo 17 na ang na-rescue ug tulo na lang ang pabilin pa nga gi-locate sa tracker team.
Gibutyag usab ni Devaras nga nakig-alayon kanila ang mga ginikanan sa ni eskapo hinungdan na-rescue nila ang ubang mga bata diha sa mga panimalay niini ug sa ilang mga estambayanan.
Ang mga na-rescue nibutyag ngadto sa kapolisan nga giingong kanunay sila nga kasab-an ug ipaabot kini nila ngadto sa Mayor’s office ang maong pasangil aron makahatag og tubag ang nagdumala sa pasilidad. BDB (BANATNEWS)
- Latest
