17 ka mananagat sikop sa illegal

CEBU, Philippines — Mokabat sa 17 ka mananagat ang nasikop sa mga sakop sa Daanbantayan Municipal Police Station uban sa Bantay Dagat kinsa nagpahigayon ug seaborn patrolling sa kadagatan sa Chocolate Island Paji, Barangay Tapilon, Daanbantayan Cebu,niadtong Biyernes.

Nasakmit gikan sa mga dinakpan ang usa ka pumpboat kagamitan sa pagpanagat ug 30 ka bañeras nga isda nga mobalor ug 60mil ka pesos.

Ang mga dinakpan gitanggong sa bilangguan samtang giandam pa ang pagpasang-at ug tukma nga kaso batuk kanila. Samtang ang boat captain pasakaan usab kini ug attempted homicide human suway niining gidasmagan ang mga operating personnel.

Ang hepe nga si PMAJ Marvin Inocencio, nitug-an nga padayon ang ilang pagpahugot sa kampanya batok sa mga malapason ug giawhag ang katawhan nga motaho sa kapulisan sa ilang mamatikdan nga illegal nga kalihukan. —MEL (BANATNEWS)