Telemedicine program sa siyudad giduso nga ipatuman na

CEBU, Philippines — Kinahanglan nga ma-implementar na unta ang telemedicine program sa dili madugay gumikan kay usa kini sa labing gikinahanglan karong panahona.

Mao kini ang unod sa napasar nga resolusyon ni Konsehal Alvin Dizon kinsa nihangyo sa executive department nga ipatuman na ang telemedicine.

Kahinumduman nga aduna nay napasar nga ordinansa kalabot niini sa miaging tuig.

Matud pa ni Dizon nga nagpaabot nalang siya ogf feedback sanglit gipadalhan na og kopya sa sangguniang panglungsod ang Cebu City Health Department ug Cebu City Medical Center nga maoy gitahasan sa implementasyon niini.

Aminado ang konsehal nga adunay uban nga mga tawo nga dili dayon makaadto og klinika aron magpa konsulta sa doctor ilabi na kadtong tua sa lagyo ga lugar tungod sa pandemiya.

Nalakip sa unod niini nga ipaagi sa telepono o sa online ang pagpa konsulta sa doctor.

Dugan pa niya nga mahinungdanon ang maong butang aron maandam ang mga pasilidad sa panglawas ug hatagan ug gahum ang mga pasyente sa paggamit sa telemedicine isip usa ka praktikal nga pamaagi alang sa padayon nga pag access sa medical nga pag atiman.

Andam usab ang kagamhanan sa dakbayan nga mosuporta sa mga pagbansay bansay alang sa mga medical practitioners sa paggamit sa information and communication technology ICT sa health care settings.

Gilhulagway nga gamit kaayo ang telemedicine isip importanteng bahin sa new normal. —MEL (BANATNEWS)