Mga biktima sa baha sa Sogod gihatagan na og ayuda

CEBU, Philippines — Gisugdan na sa lokal nga kagamhanan sa lungsod sa Sogod ang paghatag og mga construction materials sa mga residente niini kansang mga balay ang naguba tungod sa pagbaha niadtong Oktubre 25, 2021.

Si vice Mayor Monyeen Streegan, nagkanayon nga gihatagan na nila sa mga materyales ang mga apektado didto sa lima ka barangay sa lungsod nga

maoy gibahaan tungod sa kalit nga pagbunok sa ulan niadtong niaging bulan.

“Naabot gyud sa 262 thousand ang total nga materyalis nga atong nahatag sa Sitio Lorenzo Poblacion,” matud ni Streegan sa iyang facebook post. Matod usab sa bise mayor nga nangita na sila karon og paagi aron madali ang pag-release sa cash assistance sa mga biktima. Mokabat sa 300 ka mga pamilya sa barangay Bagatayam, Damolog, Bawo,

Ibabao ug Poblacion ang naapekttohan sa maong pagbaha. (BANAT NEWS)