Gullas: Mas bug-at ang desisyon sa kinabag-an
CEBU, Philippines — Si Talisay City Mayor Gerald Anthony “Samsam” Gullas Jr. nibutyag nga sa iyang pagpabalik og dagan isip kongresista sa unang distrito sa Probinsiya sa Sugbo itugyan na unta niya kang Bise Mayor Alan Bucao ang Talisay.
Samtang ang iyang asawa nga si Rhea kinsa nikandidato isip mayor sa siyudad ang magpapili lang unta nga konsehal.
Matud ni Gullas nga nipatawag siya og meeting sa kapitan sa 22 ka barangay ug nipdayag ang opisyales sa kabarangayan nga buot nilang ipadayon sa ang Aksyon Agad nga administrasyon.
Gusto sa mga kapitan nga humanon ni Bucao ang ikatulong termino isip bise mayor ug ang asawa niining si Yehyen magpapiling konsehal sa siyudad sa ikaduhang termino.
Matud ni Gullas nga mas bug-at kaniya ang desisyon sa kinabag-an kalabot sa dagan sa ilang partido nga Alayon.
Si Bucao nibiya na kini sa Alayon ug siya maoy kaatbang karon ni Rhea sa pagpapiling mayor sa siyudad sa 2022 election. (BDB) (BANATNEWS)
- Latest
