Mga sakyanan nga moapil sa caravan gimenosan ang gidaghanon

CEBU, Philippines — Karong adlaw’ng Sabado mopahigayon og motorkada ang grupo nga nagpaluyo kang incumbent vice president ug presidential candidate Leni

Robredo. Nunot niini, si Cebu City Councilor Joel Garganera, pangulo sa Emergency Operations Center Cebu City nibutyag nga sa niaging adlaw gibisita siya sa organizers sa grupo nila ni Robredo ug kanhi senador ug karon presidential candidate Ferdinand “Bongbong” Marcos Jr. nga mopahigayon usab og caravan sa sunod buwan ug gituki ang ilang mga plano mahitungod sa umaabot nga kalihokan.

Matud ni Garganera nga 100 ka sakyanan ang gihisgotan nila ug dako gyud kining problema sa Cebu City Police Office ug Cebu City

Transportation Office kinsa nga maoy in charge sa road safety.

Ug gumikan niini miumol sila og uniformed guidelines gikan sa 100 ka sakyanan gihimo nila kining 20 ka sakyanan.

Kalabot sa rota sa mga mopahigayon og caravan ang CCTO maoy mmagbuot niini tungod kay ikonsiderar usab ang dagan sa trapiko nga dili maghuot.

Ang EOC niawhag sa mga kandidato nga dili ibutang sa alanganin ang mga tawo ug motuman gyud  sa safety protocols. (BANAT NEWS)