CEBU, Philippines — Agig pagpangandam sa nagsingabot nga Pasko, gisuroy na sa kabumberohan sa Dakbayan sa Talisay ang mga tindahan nga nagsugod na sa pagbaligya og christmas lights.
Gawas pa niana, suma pa ni SFO3 Guiller Pegarido nga alarming na ang mga nahitabong sunog sa siyudad.
Matud pa niya nga ginagmay nga sunog ang nahitabo pero kasagaran electrical misuse ang rason o naggumikan sa mga substandard nga appliances.
Karon lang buwana, tulo ka sunog na ang natala sa Talisay.
Sigon pa ni Pegarido nga ilang gisuroy ug gipahinumdoman ang mga tawo sa 11 ka fire prone barangays nga magmatngon sa trahedya.
Ang mga barangay nga giila nga fire prone mao ang Tanke, Poblacion, Cansojong, San Isidro, Bulacao, Mohon, San Roque, Dumlog, Tabunok, Lawaan 3 ug Lagtang. —MEL (BANATNEWS)