Lungsod sa Minglanilla estriktong mopatuman sa helmet policy

MANILA, Philippines — Gihingusgan sa lungsod sa Minglanilla ang pagpatuman sa pagsul-ob og helmet sa mga magmotorsiklo.

Si Langlang Waskin Kokoy, deputy sa Minglanilla Traffic Commission (MITCOM) nagkanayon nga daghan silang nasita sa ilang operasyon.

Matud pa niya nga gipangsusi nila ang mga dokumento sa motorsiklo ug uban pa apan sa unang kalapasan ila lang una kining gipasaylo.

Hinuon ila sab nga gipahibawo nga sila nagsugod na sa estriktong pagpatuman sa pagmaneho sa motorsiklo ug ubang lagda sa karsada.

Gani aduna silay tulo ka motorista nga gihatagan og prescribed helmet gumikan sa ilang tan-aw nga naglisod gyud sa kinabuhi.

Iyang gidugang nga hinay-hinay na nila nga nakita ang kausaban sa batasan sa mga motorista sa Minglanilla. (BANAT NEWS)