CEBU, Philippines — Giduso karon ni Cebu City Councilor Philip Zafra, chairman sa Committee on Agriculture sa konseho sa Dakbayan sa Sugbo ang plano nga pag-establisar og Regional Food Terminal Facility diha sa South Road Properties.
Tumong niini ang paghatag og dugang luna sa mga mag-uuma diin direkta sila nga maka-display sa ilang mga produkto.
Gipahigayon sa niaging semana ang tigom kalabot sa maong programa diin gitambongan kini ni City Agriculture Department Head Joel Baclayon ug mga representante sa South Road Property Management Board.
Ilahang gitun-an ang posibleng nga site niini diin ang publiko makapalit og mga utanon ug prutas sa ubos kaayo nga presyo.
Gibana-bana nga mokabat ngadto sa P14 milyones ang magasto sa maong proyekto. “This facility, which is estimated to cost at P14 million will be utilized by our farmers as a “Bagsakan Center”,suma pa ni Zafra. Giingong maghatag kini og dakong bentaha ngadto sa mga mag-uuma tungod kay dili mo-agi og middle man ang ilang mga produkto. BDB (BANATNEWS)