Mama mohagit in IBF champ Edwards
CEBU, Philippines — Ang batos sa Sanman Gym nga si Jayson "Smasher" Mama nakaangkon og laing higayon nga mo-away alang sa IBF flyweight title.
Kini human ang IBF mimando ngadtong reigning British champion Sunny "Showtime" Edwards nga modepensa sa iyang bakus batok sa mandatory challenger nga si Mama.
Mao kini ang gibutyag ni promoter Frank Warren ngadto ni Patrick L. Stumberg sa badlefthook.com.
Kon ugaling maselyado na, tataw nga kulbahinam kining sangka tali sa duha ka way pildeng boksidor.
Si Mama nagkupot og perpektong 16-0 record uban ang 9KOs samtang si Edwards wala pa say tatsa sa 16 ka away uban ang 4KOs.
Ang 24-anyos si Edwards manalipod sa labing unang higayon sa korona nga iyang giilog gikan ni South African Moruti Mthalane niadto lamang Abril 30 didto sa York Hall sa Bethnal Green, United Kingdom.
- Latest
