CAD nilusad sa Locally Sourced program

CEBU, Philippines — Gilusad na usab sa Cebu City Agriculture Department niining ulahi lang ang programa nga “Locally Sourced”.

Ang kalihokan gipahigayon diha sa Level 1, Atrium, Robinsons Galleria sa niaging adlaw.

Atol sa maong kalihokan adunay gipamaligya nga mga preskong utanon ug prutas

Tumong niini mao ang pagkampaniya sa pagtabang sa panginabuhian sa mga mag-uuma  pinaagi sa pagpalit sa local products.

Ang maong programa suportado nila ni Cebu City Mayor Edgardo Labella ug, city councilor ug chairman sa committee on agriculture Philip Zafra uban sa Department of Agriculture- 7 ug Robinsons Galleria Cebu.

Si Joelito Baclayon, city agriculturist nagkanayon nga dako og tabang alang sa kalamboan sa mag-uuma ang pagpalit sa ilang mga produkto.

Sa laing bahin, gisugdan na usab sa CAD ang Season Long Training o pagbansay-bansay sa mga mag-uuma alang sa bag-ong teknolohiya sa pagpanguma.

Lakip  sa maong pagbansay-bansay mao ang Binaliw Farmers Association ug isunod usab ang ubang mga lugar.

Pinaagi sa mga bag-ong teknolohiya sa pagpanguma mahimo usab nga tulin ang mga inadlaw-adlaw nga gimbuhaton sa mga mag-uuma.

Nagpadayon usab ang regular nga kalihokan sa CAD sama sa tree planting ug ang ang pag-apod apod og seedlings. BDB (BANATNEWS)