CEBU, Philippines — Ang kagamhanan sa Siyudad sa Sugbo nangandam na aron mahimong kabahin sa vaccine allocation sa nasudnong kagamhanan karong Pebrero 16, 2021.
Apan suma pa ni Cebu City Mayor Edgardo Labella nga bisan og magsugod na ang pagpamakuna batok sa COVID-19 ug nabakunahan na ang mga primary beneficiaries, gikinahanglan gihapon ang publiko magpadayon pagsul-ob og facemasks, face shield ug padayong ipatuman ang physical distancing.
“The vaccine is not a substitute to the minimum health protocols. We should still observe the minimum health protocols, wearing of mask, social distancing, ang face shields”, sigon ni Mayor Labella.
Sa kasamtangan ang Cebu City Government wala pay tukmang numero sa gidaghanon sa ihatag nga bakuna gikan sa nasudnong kagamhanan.
Apan ang mga frontliners sa Vicente Sotto Memorial Medical Center gisaaran na og 2,000 ka doses.
Si Mayor Labella nangayo sab og doses alang sa mga trabahante sa Cebu City Medical Center (CCMC). —MEL (BANATNEWS)