CEBU, Philippines — Gawas sa mga barangay workers, apil na usab ang mga traffic enforcers sa kalungsoran ug emergency responders sa tibuok lalawigan ang ma cover sa group accident insurance.
“This time iapil sad nato atong traffic enforcers coverage of P100, 000 apil pud ang disaster or emergency responders” matod ni Cebu Governor Gwendolyn Garcia.
Gawas sa GSIS group accident insurance manghatag usab ang kapitolyo og vitamins ngadto sa mga barangay workers ug enforcers sugod karong bulan sa Pebrero kon diin apil ang Camotes ang bisitahon sa gobernador karong Pebrero 12 alang sa maong katuyoan.
“I will spend on that. Di ko mogasto sa vaccine kay klaro na nga maoy makatabang sa mga tawo pag build up sa ilang resistensya” matod ni Garcia.
Ang Kapitolyo una na kining niumento sa GSIS Group Accident Insurance sa mga barangay workers sa Probinsya sa Sugbo, kon diin gikan sa P50 mil niabot na sa P100mil ang coverage sa maong insurance sa mga barangay health workers, barangay nutrition scholars, daycare workers, barangay animal health aide ug tanod, Barangay Secretary ug Treasurer.
Apil usab sa insurance ang mga barangay kagawad ug kapitan. Kon diin P150mil ang coverage sa kagawad samtang P200mil sa mga kapitan. —MEL (BANATNEWS)