CEBU, Philippines — Gi-serbisyuhan na ni Mactan Cebu International Airport Authority MCIAA general manager Steve Dicdican ang iyang unom ka buwan nga suspension order nga gipakanaug sa Office of the Ombudsman.
Matud pa ni Atty. Glenn Napuli, ang MCIAA assistant general manager nga mao na karon ang acting general manager nga nagsugod sa pag serbisyo sa suspension order si Dicdican kaniadtong Enero 8, 2020.
Matud pa ni Napuli nga wala nadawat ni Dicdican ang written copy sa maong order apan pinaagi lamang kini sa email.
Apan bisan pa niini, nagkanayon si Napuli nga gi respito ni Dicdican ang proseso.
Dugang pa ni Napuli nga bisan pa man sa maong suspension order ni Dicdican, “our commitment to have a better service to the Filipinos is priority so everything has to move forward regardless of the challenges”.
Kahinumduman ang Office of the Ombudsman niluwat sa ilang suspension order batok ni Dicdican kaniadtong Disyembre 16, 2020 gumikan sa violation niini sa Anti-Dummy Law nga matud pa gitugutan niya ang mga foreigners nga mopadagan sa operasyon sa Mactan Cebu International Airport.
Ang National Bureau of Investigation mao ang nipasaka sa reklamo ngadto sa Department of Justice kaniadtong Disyembre 4, 2020 batok ni Dicdican ug uban pang opisyales sa airport ug mga opisyales sa GMR-Megawide Cebu Airport Corporation ubos sa maong violation. —MEL (BANATNEWS)