Dialysis center sa Talisay sugdan karong buwana
CEBU, Philippines — Sugdan na karong buwana ang katukoran sa dialysis center sa Dakbayan sa Talisay.
Kini aron kapahimuslan sa mga Talisaynong kabus nga nagkinahanglan nga mag-dialyze.
Si Mayor Gerald Anthony “Samsam” Gullas Jr. nagkanayon nga ang maong edipisyo makita na unya karong tuiga diha sa luyo nga bahin sa Talisay City Hall. Nasayran nga anha na usab unya mag-opisina ang city health ug ang Social Welfare and Services.
Gawas sa dialysis center nga sugdan karon sa pagtrabaho, mahuman-human na usab karong tuiga ang state-of-the-art nga tourist spot sa siyudad.
Sa hinapos nga bahin sa niaging tuig gisugdan og ayo ang parks and plaza diha sa Barangay Poblacion.
Molahos ang trabaho hangtud na sa board walk ug ang mga stall alang sa pagbaligya sa produkto sa Talisay nga lechon baboy. Matud ni Gullas nga bisan og nagpadayon ang pandemiya tinguha niya nga hinay-hinay na nga mobalik sa pagbuhi ang ekonomiya ug turismo sa dakbayan. —BDB (BANATNEWS)
- Latest
