CEBU, Philippines — Giawhag sa Cebu City Bureau of Fire Protection ang publiko nga likayan ang paggamit og pabuto ug giawhag ang mga barangay nga kung dili gyud malikayan og paggamit sa mga tawo niini atol sa Pasko, kinahanglang magtudlo sila og lugar nga maoy himuong firecracker zones alang sa kaluwasan sa tanan ug malikay sa sunog.
Si SFO2 Wendell Villanueva, public information officer sa Cebu City Fire Station ngakanayon nga ang publiko mahimong mogamit sa mga busina sa mga sakyanano takup sa mga kaldero isip alternatibo nga kasaba sa pagsaulog sa kapaskuhan ug pag-abiba sa bag-ong tuig.
“Hugot atoang baroganan nga mas maayo kun likayan ang paggamit sa mga firecrackers. Ug mogamit lang ta og alternatibo nga kahimanan sa paghimo og saba-saba, if the only intention is to make noise,” matud ni Villanueva.
Kung dili malikayan sa mga tawo nag paggamit sa pabuto ug polytechnics, giingon ni Villanueva nga mag-amping lang sila ug mahimo nga magbuhat og necessary safety precautions ug safety measures aron malikayan ang injuries lakip na usab ang sunog.
Giawhag niya ang mga ginikanan nga dili tugutan ang ilang mga anak nga mogamit sa pabuto tungod kay sila ang labi nga mhuyang sa panahon sa pagsaulog.
Dugang niya nga ang pabuto nga nikagaro nabali, dili na angay gamiton kun puniton tungod kay tingali mobuto usab kini. Dili sab angay nga magpabuto sa sud sa panimalay tungod kay mahimo kining hinungdan sa sunog.
Dugang pa niya nga kinahanglan mag-designate ang mga barangay og firecracker zone sa ilang mga sitio aron malikayan ang posibleng sunog.
“Dapat ang matag barangay mag-designate sa kada sitio og firecracker zone wherein duna tay common area kon asa pagabuhaton ang pagpabuto. Dili kay halos kada balay magpabuto. Like kaning kwetis, usa mana sa makamugna og sunog kay bisan asa mana motugpa. Dako kaayo siya’g risgo sa sunog,” sigon ni Villanueva.
Giingon niya nga mas maayo kon adunay ga on-standby nga container nga adunay tubig para magamit kon adunay sunog nga mahitabo.
“Mas maayo dunay naka-standby nga mga balde sa tubig or baril ssa tubig para simbako dunay sunog nga mahitabo gikan sa pagpabuto, at least duna tay dali nga magamit dayon sa pagpawng. Maayo gani duna tay container or baril bitaw, didto ta mgapabuto ang firecrackers para ma-confine ra gyud siya,” dugang niya. Base sa mga nakalabay nga kapaskohan, ang paggamit og pabuto maoy nakaingon sa daghang nangaangol ilabi na sa mga kabataan, hinungdan sab kini sa sunog.
Ang BFP nisuporta kanunay sa adbokasiya sa Department of Helath (DOH) bahin sa “Iwas Paputok” nga nangusog nga ipahunong na ang paggamit og pabuto.
“It is up to the local government unit, sila ra’y mag-igo. We know kahibawp sila kun unsa ka-delikado ug ka-perwisyo ang mga firecrackers. We recommend nga if possible, i-ban nalang unta but mao lagi sa akong nadunggan sa mga kaila, nga there are those who already bought firecrackers online,” matud niya.
Ang kabomberohan naghimo na og inspeksyon sa mga stalls sa siyudad aron masiguro kun adunay mga business permit sa pag-displayug pagbaligya sa mga pabuto.
“Gipang-inspect ang mga mamaligyaay og pabuto, amo nana gitan-aw ilang business permit to ensure the safety sa mamlitay og sa mga gi-abangan nila nga building. Kay kasagaran baya karon, dunay mga stalls inside sa malls, simbako naay mahitabo dapat wala gyuy testing sa mga firecrackers,” matud niya.— IBM (BANATNEWS)