Dakong hawan sa Talisay City Hall gihimong plant nursery

Cebu, Philippines — Gihimo nga plant nursery ang tipik sa dakong hawan sa Talisay City Hall aron kini mapahimuslan.

Gani mao kini ang gikalingawan sa mga sakop sa Ecological Solid Waste Management (ESWM).

Si Edwin Nierves, operation chief sa ESWM miingon nga ang ilang matanom mao sab kini ang ipanghatag sa matag barangay sa ilang mga tamnanan.

Ang paghimo og plant nursery makatabang usab pagpakgang sa baha ingon man sa pag-awas sa mga sapa.

Nagkanayon si Nierves nga lakip sa ilang gipananum mao ang mga dagkung kahoy aron magamit sa pagpugong sa pagbaha.

Gawas sa mga dagko nga pananom, ila sab kining tamnan ug mga seedlings nga gihatag gikan sa Provincial Agriculture ug sa Department of Agriculture.

Nasayran ang dakong luna gihimo kaniadto nga butanganan sa mga gipang abandona nga sakyanan ug karon nadesisyonan sa ESWM nga tamnan aron mapahimuslan sa kadaghanan. ( BANAT NEWS)