CEBU, Philippines — Tungod sa daghang mga post sa social media bahin sa mga paglaroy-laroy sa mga kawani sa siyudad sa Sugbo ngadto sa kalungsoran alang sa giingong mga ‘team building’ activities, si Cebu City Mayor Edgardo Labella mipaesplikar sa mga nalambigit nga mga buhatan.
Ang gipaesplikar ni Labella mao ang mga kawani sa Division for the Welfare of the Urban Poor ug City Treasurer’s Office Inspections team kinsa giingong nag-“team building” ug nag “get together” sa kalungsuran sa Probinsiya sa Sugbo.
Sa deleted post sa Facebook account sa DWUP niadtong Domingo makita ang mga hulagway sa personnel sa nakabutang sa album nga dunay titulong “DWUP Team Bonding.”
Samtang dunay say laing hulagway nga nikatap nga dunay caption nga “CTO Inspection Team 2020 get together.”
“If they will violate the order of the Executive Department they would be held administratively liable. A liability, depends on the gravity of the administrative infraction so the penalties, sanctions, reprimand, suspensions, these are the sanctions, depending on the result of the investigation,” ni Labella pa. Nunot sa maong hitabo si Labella magpagawas sab siya og laing memorandum mga magdili na sa tanang “team building activities” sa tanang departmento sa Cebu City Hall.
Matud niya gidili na gani ang Christmas parties dili na sab tugutan ang mga team building ug uban pang panagtapok-tapok.
“There will no more team building because it will be violative for the mass gathering,” dugang pa sa mayor. —IBM (BANATNEWS)