CEBU, Philippines — Gitambagan ni Cebu City Councilor Phillip Zafra ang mga tag-iya og mga night club ug bar nga dili mosupak sa nagpadayon nga quarantine guidelines.
Kini tungod kay sa kasamtangang sitwasyon, dili gihapon sila mahimong mangabli.
Matud pa ni konsehal Zafra nga padayon ang monitoring sa kagamhanan ug sa kapolisan alang sa mga nagpabadlong o sekretong nag-operate nga mga bar.
Kahinumdoman sa unang bahin karong buwana, dunay bar nga nasita sa Barangay Banilad human matud pa na-operate.
Ang mga restaurant lang ang kasamtangang gitugtan nga makabaligya og ilimnon apan kutob lang sa duha ka serving matag kustomer. Nanghinaot siya sa kooperasyon sa mga tag-iya og restaurant aron mamintinar ang kahapsay ug kalinaw sa siyudad. /MEL (BANATNEWS)