Gilugos’ nga dalaga naghikog

CEBU, Philippines — Usa ka dalaga nga giingong gipahimuslan sa iyang ig-agaw ang nakit-an nalang wala nay kinabuhi nga nagbitay sa kahoy diha sa  usa sa mga barangay sa lungsod sa Tuburan niadtong Biyernes sa buntag.

Ang dalaga 18-anyos walay trabaho ug residente sa maong lugar. Ang kapitan nga si Matildo Paglinawan personal nga nitaho sa kapulisan may kalabutan sa nadiskobrehan nga patay nga lawas sa babaye nga nagbitay sa kahoy gamit ang pisi.

Matud pa ni Police Master Sergeant Roberto Rondina sa imbestigasyon nga ilang gihimo kataposang nakit-ang buhi ang dalaga niadtong Oktubre 6 sa buntag nga milakaw kini apan wala na niuli. Gipangita sa mga kabanay ang dalaga apan didto na kini nakit-an sa bukiran nga bahin sa maong lugar, ug wala na kini kinabuhi.

Sa pakisusi sa kapulisan pinaagi sa pagpalalom pa sa imbestigasyon didto nasayran nga giingong gilugos kini sa ig-agaw .

Ug tungod sa kauwaw nga nikatap ang maong balita hinungdan nagkutlo kini sa iyang kinabuhi Ang kapulisan padayon pa karon nihimo ug imbestigasyon may kalabutan sa maong insidente. (BANAT NEWS)