Mga Badjao sa Consolacion gi-rescue

CEBU, Philippines — Nagtinabangay sa pagluwas ang kapolisan ug mga sakop sa social welfare sa Lungsod sa Consolacion sa nasigpatan nga mga Badjao.

Naglakip sa mga giluwas nagpanauigon og 51 ug 16 –anyos kinsa namatikdan nga nagsuroysuroy ug mangayo og kwarta sa mga tawo nga ilang masugatan o mga drayber sa sakyanan.

Ang kapolisan sa lungsod nagpahigayon kini sa “Oplan Sagip” diin gi-rescue nila ang maong mga Badjao ug gipanghatod ngadto sa ilang tagsa-tagsa  ka mga panimlay.                

Si Mayor  Joannes Alegado padayon nga nagdili sa 21-anyos paubos ug mga senior citizen nga magsuroysuroy bisan ubos sa modified general community quarantine ang ilang lungsod  sa paglikay sa pagkatap sa COVID-19.

Nunot niini, padayon usab ang hugot nga pagpatuman sa minimum health protocol nga naglakip sa social distancing, pagsul-ob og face mask, face shield   ug pagpanghunaw og tubig gamit ang sabon o alcohol.  /BDB (BANATNEWS)

Show comments