Makig-dayalogo ang mga Garcia kini kun…

CEBU, Philippines — Adunay kondisyon ang pamilyang Garcia una pa sila makig-dayalogo sa Chong Hua Hospital kalabot sa nahitabo nila ni kanhi Dumanjug Mayor Nelson Garcia ug Barili Mayor Marlon Garcia.

Ang CHH nipagawas og pamahayag nga andam sila makig-dayalogo sa mga Garcia aron matubag ang mga pangutana sa nahitabo sa ilang igsion nga namatay didto sa ilang tambalanan. Si Atty. Winston Garcia, igsuon ni Gobernador Gwendolyn Garcia nagkanayon nga unta sinsero ang hospital kay andam sila makigestorya apan kinahanglan ihatag usa ang hospital records sa ilang igsoon nga na-admit didto.

"Provide us all the records that we are asking like clinical records, the nurses notes all the records and all procedures were done. Because we wanted to know that after letting us spend almost nine million pesos our two brothers still died," matud ni Winston. Gihulagway ni Winston nga "scandalous" ang kadako sa ilang gibayran sa hospital nga niabot og halos P9 milyones.

Ang hospital bill ni Mayor Marlon niabot sa P5.2 million samtang kang Nelson anaa sa P3.2 million. Wa pay labot niini ang doctor's fee.

Matud ni Marlon moabot sa tag P800,000 ang bayad sa Personal Protective Equipment (PPEs) nga nagamit sa mga medical doctors sa matag igsuon nila.

Si Winston nagkanayon nga nangayo nila og death certificate ang hospital apil na usab sa special power of attorney una pa ihatag ang records.

"They were demanding the ID of our brothers, the death certificates. They were the ones who issued the death certificate and they were asking the death certificate of our two brothers before they will give us the record then special power of attorney, our two brothers were already dead," matud ni Winston.

"They were all giving excuses not to give us the records. If they have nothing to hide and if they explain to us why after letting us spent almost nine million our two brothers died, then give us the records first and let's go with the dialogue with those two doctors because we have a lot of questions," dugang ni Winston.

Si Nelson namatay tungod sa pulmonary arrest secondary to probable pulmonary embolism samtang si Marlon namatay og septic shock secondary catheter related blood stream infection, ventilator associated pnuemonia. Ang Banat News nisuway pag contact sa CHH apan wala pay reply nga nakuha sa pagsulat niining balita.

Apan sa ilang unang gipagawas nga pamahayag ang tambalanan nagkanayon nga ang desisyon sa ilang medical team sa pagatiman sa mga pasyente gipaluyohan kini og extensive nga training sa ilamg mga doctor ug medical practitioner. Ang ilang lihok pinasubay sa "globally-accepted" ug "clinically-established procedure" ug ang doctor nga niatiman sa managsuong Garcia "reputable ug outstanding doctors ug espesyalista" sa ilang field. /IBM (BANATNEWS)