Unom ka sakop RHU sa Dumanjug natakdan

CEBU, Philippines — Temporaryong gisirad-an ang Rural Health Unit sa Lungsod sa Dumanjug human nga unom nila ka mga sakop ang nagpositibo sa coronavirus disease (COVID-19).

Ang pagpasarado sa RHU molungtad hangtod Agosto 31 ug anang mga adlawa nga sirado mag disinfect ang lungsod sa maong buhatan. Mobalik kini pagbukas ining Septembre 1.  Ang tanan personnel sa RHU gimandoan nga mopaubos sa home quarantine.

Central Visayas

Samtang padayon usab nagkaubos ang bag-ong kaso sa Covid-19 sa Central Visayas base sa data nga gipagawas sa DOH-7 niadtong Agosto 25, 2020.

Giingon nga 68 ang natala nga bag-ong kaso sa rehiyon. Ang syudad sa Sugbo ug Lapu-Lapu parehong nakatala og tag pito ka kaso, 11 sa Mandaue, 40 sa Cebu Province ug tagsa ang Talisay, Consolacion ug Minglanilla.

Ang maong mga bag-ong kaso maoy nilangkob sa 2, 756 ka active cases gikan sa 18, 439 nga cumulative case. Anaa usab sa 14, 609 ang naka-recover human 42 ang nadugang.

1, 074 ang namatay usab sa tibuok Central Visayas. /IBM (BANATNEWS)