CEBU, Philippines — Nihatag ang Sacred Heart School – Ateneo de Cebu (SHS - AdC) Batch ’81 og mga personal protective equipment (PPE) ngadto sa Cebu Provincial Detention and Rehabilitation Center (CPDRC).
Apil sa mga PPEs nga gidonar mao ang 700 ka laboratory gowns, 100 ka bunny suit, ug assorted nga shower caps ug face masks.
Ang maong donasyon giagi sa buhatan ni bise gobernador Hilario P. Davide III kinsa apil sa SHS – AdC Batch ’81.
Gidawat sa buhatan sa bise gobernador ang maong PPEs pinangulohan ni Atty. Ramil Abing ang Chief-of-Staff sa buhatan ni Davide.
Gawas ni Davide,ang mga membro sa Batch 81 nga nitambong sa turn over mao sila si Francis Yu, Alvin Tan, Mimo Osmeña, Robert Yap, Cesar Salazar, Maxwell Ahyong, Benjie Cimafranca, Allyson Lim, ug Jun Manglapus.
Ang maong mga PPEs giturn-over dayon ngadto sa provincial jail. /MEL (BANATNEWS)