Cebu, Philippines — Atimanon pagbalik sa Dakbayan sa Sugbo ang mga paghetti wires nga makita sa kadalanan sa dakbayan nga gihulagway nga lain ug hugaw tan-awon.
Si Konsehal Jerry Guardo, Chairman sa Technical Infrastructure Committee nagkanayon dunay re-launching sa ilang spaghetti wires eradication program karong Lunes, Agosto 17, alas 9 sa buntag.
Suma pa ni Guardo nga salmotan kini sa tanang telecommunication companies diin duha ka teams sa PLDT, Smart ug Sun; duha ka team sa Globe Telecom, usa ka team sa Visayan Electric, usa sab ka team sa Skycable, CCTN ug Converge, apil usab ang Parks and Playground aron kun dunay mga tanom nga putlonon maapil kini sa clearing nga himoon.
“All in all there are about mga napulo ni ka teams nga mga linesmen unya mga crew nila, primarily ang atong objective was really for clearing sa mga tangled wires, mga dead wires, mga drop wires so mao na atong limpyohan kay as you all know hugaw kaayo atong palibot sa Siyudad so it`s now high time going karon normal ang operation sa City so we just revive ang team nato, we have reactivate ang group para maka continue sa atoang clearing operation”, sigun ni Guardo.
Gihulagway ni Konsehal Guardo nga usa kini ka city wide campaign program diin apil na sab niini ang pagtangtang sa wooden pole, redundant pole ug uban pa.
Nasayran nga gisugdan nila ang maong programa sa miaging tuig apan nahunong kini niadtong buwan sa Pebrero ug Marso gumikan sa hulga sa COVID-19. (BANAT NEWS