CEBU, Philippines — Nasurpresa ang Police Regional Office 7 sa giingong dugang quarantine passes nga gipanghatag ang kagamhanan sa Dakbayan sa Sugbo ngadto sa mga residente sukad gipaubos sa general community quarantine.
Matud ni PRO-7 Director Albert Ferro nga wala makig-alayon o nangonsulta ang siyudad sa Regional Inter-Agency Task Force.
Dugang ni Ferro nga makapadaghan kini sa manggawas nga mga residente nga moresulta na sab sa pagsaka pagbalik sa kaso sa coronavirus sa dakbayan.
Gipasabot ni Ferro nga ang tanang desisyon sa lokal nga kagamhanan kinahanglang masayud ug adunay pagtugot sa IATF nga gipangulohan ni Secretary Roy Cimatu.
Lakip sa gikwestiyon ni Ferro ang pagtugot nga makagawas na ang nga tawo sa adlaw nga Domingo. /GMR (BANATNEWS)