Cebu, Philippines — Gitan-aw sa Cebu City Police Office ang posibleng paglibkas sa lockdown sa pipila ka dapit sa dakbayan.
Kini kun magnegatibo ang resulta sa gihimong test sa mga residente sa unom ka sitio sa unom ka barangay sa dakbayan nga dunay taas nga kaso sa nataptan og COVID-19 ug mopasar sa assessment sa Regional Inter-Agency Task Force (IATF) COVID-19.
Matud ni CCPO Director Josefino Ligan nga sa iyang pagsuroy sa mga dapit nga gi-lockdown nakita niya nga mingaw.
Kini human nga istriko ang pagpatuman sa lockdown ug seguridad sa mga dapit ug kasamtangan usab nga gipang-isolate kini aron dili na modaghan pa ang kaso.
Gibutyag ni Ligan nga closely coordinated sab sila sa mga opisyal sa barangay.
Karong Agosto mahibaw-an kung mausab ang estado sa Dakbayan sa Sugbo human sa dul-an duha ka buwan nga ubos sa enhanced community quarantine (ECQ)