Mag-uuma naghikog sa dakbayan sa Bogo
CEBU, Philippines — Patay na nga nadiskubrehan alas 7 pasado ang takna sa miaging Huwebes sa gabii ang usa ka 62 anyos nga mag-uuma . Kini gituohang naghikog pinaagi sa paghigot og pisi sa iyang liog sa Purok Lumboyan, Barangay Nylon sa Dakbayan sa Bogo.
Si Police Master Staff Sergeant Alexis Villacruzis sa Bogo City Police Station miila sa namatay nga mao si Danilo Alboro, minyo nga nagpuyo sa maong dapit.
Base sa imbestigasyon sa kapolisan nasuta nga nag inom kuyog sa iyang mga higala ang biktima didto sa kasikbit nga sitio sa Barangay Nylon.
Matud pa ni Villacruzis nga hubog na nga nahiuli sa ilang panimalay si Alboro ug maoy naabtan nga wala na sa ilang panimay ang asawa niini.
Sa pagtuo nga gibiyaan sa iyang asawa daw nakahukom na lamang kini sa pagkutlo sa iyang kinabuhi.
Nasayran sa kapolisan nga naandan na sa asawa sa namatay nga mobiya panahon nga kini mahubog apan wa kini magtuo nga mosangko sa pagkutlo sa iyang kinabuhi. /MEL (BANATNEWS)
- Latest
