400 nasikop sa CCTO nga expired ang mga lisensya ug rehistro

CEBU, Philippines — Mokabat sa kapin sa 400 ang nasikop sa mga tinugyanan sa Cebu City Transportation Office CCTO sulod lang sa tunga ng bahin sa buwan sa Hulyo ning tuiga.

Gitug-an ni John Paul Amores, Public Information Officer sa communications and electronics sa CCTO nga lakip sa mga kalapasan sa mga dinakpan mao ang kakuwang sa mga dokomento sama na sa rehistro ug expired na nga mga lisensya.

Matud pa ni Amores, nga sa tungang bahin sa buwan sa hulyo karon tuiga naka dakop na sila ug 316 ka motorsiklo, 104 ka 4 wheels, 2 ka trisikol ug 1 ka eb-bike.

Giawhag ni Amores ang mga biyahedor nga dalhon ug siguro ang ilang mga lisensya sa ilang pagbiyahe ug tan-awon kung dili ba usab kini mga expired. /MEL (BANATNEWS)