Tuob kits way pagtugot sa mayor, konseho
CEBU, Philippines — Gitataw ni Cebu City Mayor Edgardo Labella nga wala niya gitugutan ang pagpalit sa P2.5 milyones nga mga steam inhalation o "tuob" kit.
Ang mga tuob kits gipangapod-apod sa mga barangay isolation centers.
“I have no knowledge about it. It is P2.5 million and I have never authorized the purchase and received any purchase request,” matud ni Labella.
Susihon ni Labella ang paggasto sa pundo sa siyudad alang sa pagpalit sa 1,000 ka tuob kits sa tag P2,500.
Si Konsehal Jerry Guardo nga maoy nagpasiugda sa proyekto nihimakak nga gibaligya ang maong mga tuob kits.
Matud ni Guardo nga ang mga pasyente nga naa sa BIC ang gipanghatagan sa maong mga kits nga libre.
Si Konsehal Alvin Dizon nagkanayon sab nga walay pagtugot sa konseho ang pagpalit sa mga kits.
Ang P2,500 nga kantidad nga tuob kit naglangkub sa usa ka electric water heater/steamer, usa ka steam gown, usa ka industrial nga plastik nga lingkuranan, usa ka adult bath towel, duha ka hand towels, ug usa ka planggana sa tubig. /GMR (BANATNEWS)
- Latest
