CEBU, Philippines — Ang kapolisan sa Dakbayan sa Talisay padayon kining higpit sa pagpatuman sa safety protocols.
Kini maoy gibutyag ni Police Major Gerard Ace Pelare, hepe sa Talisay City Police Station.
Matud ni Pelare nga bisan pa og unsa ang status sa kwarantinas sa siyudad dili sila molugak sa pagpatuman sa mga safety protocol.
Si Pelare nagkanayon nga padayon gihapon ang virus og wala pa kini mawala sa palibot hinungdan nga dili usab angayang mokompiyansa karong panahona.
Gibutyag ni Pelare nga adunay mga checkpoint nga ilang gipahimutang sa kadalanan diha sa lainlaing lugar sa siyudad.
Gawas sa maong mga checkpoint aduna usab silay ipahigayon nga kinalit nga checkpoint.
Kini aron masiguro nga ang nigawas sa ilang pinuy-anan kadto lang mga tawo nga gitugtan nga makagawas.
Nagpasalamat usab si Pelare sa mga sakop sa Bureau of Jail Management and Penology (BJMP), kasundalohan ug sa force multipliers nga niabag kanila aron matuman ang mga lagda sa kwarantinas. /BDB (BANATNEWS)