CEBU, Philippines — Bisan sa gipatumang quarantine measures karong panahon sa COVID-19 pandemic, gitun-an sa Inter-agency Task Force (IATF) kun mahimo bang tugotan ang mga motorsiklo nga makapaangkas og pasahero. Kini aron matubag ang kakulangon sa transportasyon, ilabi na nga dili tanang pangpublikong sakyanan gitugotang makapamasahero.
Usa sa gitan-aw mao ang posibilidad nga gamay ra kaayo ang tsansang magkatinakdanay kun magmotor tungod kay pareho mang magsul-ob og mask ug helmet ang sakay ug ang drayber. Pabor usab sa motorsiklo maoy gamitong transportasyon si Dr. Vicente Y. Belizario Jr., ang Dean sa UP Manila College of Public Health, atol sa iyang pamahayag sa bag-ohay lang natapos nga digital press briefing bahin sa Motorcycle Taxi sa panahon sa COVID.
Matud pang George Royeca, Chief Transport Advocate sa Angkas, usa ka App-based motorcycle taxi ride-hailing service, niduso na sila og mga sugyot ngadto sa IATF sa ilang health and safety protocol aron sila matugotan pagbalik nga makapamasahero sa panahon sa “new normal.” Kun mahatagan og pagtugot, makatabang kini og dako sa liboan ka mga namasahero gamit ang motorsiklo ug masolusyonan sab kining kakuwangon sa mga pangpublikong kasakyan sa mga tawo karon.
Pangpersonal man o para sa panginabuhi, daghang mapalit nga dekalidad nga motorsiklong makaya ra sa bulsa, sumala pa sa Motortrade, nga mao karon ang kinadak-ang multi-brand motorcycle dealer sa nasud. Pipila niini kining mosunod:
- Yamaha Mio Sporty - SRP P66,900; monthly installment P3,392
- Suzuki Smash Drum - SRP P58,900; monthly installment P3,040
- Kawasaki CT 125 - SRP P50,900; monthly installment P2,750
- Honda BeAT 110 Fi - SRP P66,900; monthly installment P3,553
Aron sa pagtuman sa social distancing nga gimando sa IATF, ang Motortrade adunay online loan application facility alang niadtong mga interesado.
Alang sa duhang kasayuran, mahimong bisitahon ang www.motortrade.com.ph o bisitaha ang https://bit.ly/MNCApplyOnline.