CEBU, Philippines — Tungod sa padayon nga hulga sa coronavirus disease, gisuspenso sa Civil Service Commission ang pagpahigayon og civil service examination pinaagi sa Pen-and-Paper Test karong tuiga 2020. Ang pagpahigayon sa pasulit hayan himoon na sa sunod tuig .
Gipahibawo usab pinaagi sa facebook page sa Philippine Service Commission nga base sa CSC Exam Advisory No. 6 s. 2020 kanselado usa ang Fire Officer Examination, Penology Officer Examination ug Basic Competency on Local Treasury Examination nga ipahigayon unta sa Hunyo 21, 2020. Dili madayon ang Career Service Examination-PPT (Professional) ug Career Service Examination-PPT (SubProfessional) nga gitakda karong Agosto 9, 2020.
Apil sa mga apektado ang Intermediate Competency on Local Treasury Examination, Pre-Employment Test, Promotional Test ug Ethics-Oriented Personality Test nga himoon unta sa Oktubre 11, 2020 "On the other hand, the suspended 15 March 2020 CSE-PPT shall be reset in 2021. A separate issuance on this matter shall be released in due time" pagbasa sa advisory sa CSC. /MEL (BANATNEWS)