Trabahante sa Kapitolyo balik trabaho na
CEBU, Philippines — Sukad kagahapon gipabalik na sa ilang trabaho ang mga kawani sa Kapitolyo.
Sa memorandum ni Provincial Administrator Noli Valencia, ang mga kawani sa Kapitolyo gipa-report na subay sa omnibus guideline sa pagpatuman sa general community quarantine (GCQ) sa Inter-Agency Task Force for the Management of Emerging Infectious Diseases (IATF-MEIDI).
Hinoon ang mga empleyado nga 60-anyos pataas ug kadtong adunay sakit ug mabdos ang gipaubos gihapon sa work-from-home arrangement.
"They shall be assigned tasks by their immediate supervisors/department heads, and submit weekly reports on their work-from-home accomplishments," pagbasa sa memorandum ni Valencia.
Kinahanglan usab nga mga trabahante nga anaa sa WFH available ang communication line atol sa oras tingtrabaho.
Ang mga nibalik na pagtrabaho sa Kapitolyo gipasunod sa health protocols sama sa physical distancing, pagsul-ob og face masks ug sanitation. /GMR (BANATNEWS)
- Latest
