Problema sa San Nicolas BIC wala pa maatiman
CEBU, Philippines — Gihangyo ni San Nicolas barangay captain Clifford Jude Niñal ang kagamhanan sa siyudad sa Sugbo nga kadtong ilang mga pasyente sa barangay nga gibutang sa Mambaling Elementary School ipabalhin sa ilang isolation center apan hangtud karon wala pay tubag silang nadawat.
Ang tagdumala sa Gothong Elementary School minion nga andam na ang ilang eskuylahan isip BIC niadto pang Mayo 7 apan adtong tungora walay tarong nga kasilyas ug tanke sa tubig ang tunghaan.
Si Niñal niduol og mga tawo aron mahatagan sila og portable CR ug tangke sa tubig kay dugay na kining problemaha. Apan wala dayon kini mahatag kanila mao ang duha sa ilang unang upat ka positibo sa COVID-19 didto gidala sa Mambaling Elementary School.
Matud niya, dili sila makapaayo sa tubo sa tubig ug uban pang safety measures para sa maong tunghaan kay wa silay guidelines kun unsaon. “Dili man pud pwedeg kami ray magbuot-buot kay wata kahibalo unsay patakran nila sa mga eskwelahan, so sige ra gihapon mig huwat ani,” matud ni Niñal. Nabalaka si Niñal nga di maatiman ang duha sa ilang nahimutangan karon. “Sige lagi sila’g hangyo na i-pull out na unta sila didto kay pirti daw hugawa didto unya di pa gyud sila kakaog tarong dayon,” matud ni Niñal kinsa miingon nga bisan sa paghatud sa pagkaon para sa duha naglisud sila.
“Imbes okay ra unta to sila, mangasakit na jud hinuon tu’g samot. Maong maayo untag mabutangan na nig c.r. Ug masulbad na ning sa water supply sa Gothong para mabalhin na namo sila,” ended Ninal.
Duna karoy dul-an 100 ka mga asymptomatic patients sa Mambaling Elementary School ug dul-an 300 sab sa Alaska Elementary School nga giatiman sab sa mga opisyales sa barangay Mambaling tungod kay nagpatuman sila og lockdown sa mga sitio niini.
Gisuwayan pagkuha sa The Freeman og pamahayag si Konsehal Dave Tumulak, ang pangulo sa City Covid-19 Task Force sa South District ug ang Local School Board head Raddy Diola apan walay tubag nga nadawat gikan kanila. The Freeman/IBM
- Latest