CEBU, Philippines — Nitubag ang Cebu City Jail Male Dormitory sa panawagan sa Vicente Sotto Memorial Medical Center pinaagi sa generous contribution sa warden nga si Jail Supt. Julius Arro ug mga sakop.
Kini pinaagi sa pagpamalit og 25 ka folding beds ug gitugyan kini sa VSMMC aron sa pagtabang sa mga staff nga naglangkub sa doctors, nurses ug ubang medical ug non-medical staff. Tungod sa pagpatuman sa enhanced community quarantine sa Dakbayan ug Lalawigan sa Sugbo nga nakapalisud sa pipila ka frontliners sa pag-uli ug pag-adto sa ilang trabaho ug dunay uban nga gi-harass ug dili kasulod sa ilang boarding house, rason nga ang VSMMC nikonsiderar sa safety sa ilang mga staff ug nitanyag sa pagpapuyo nila sa auditorium.
Uban kanila nigamit og cardboard boxes, habol isip ilang banig ug pipila lang usab ang higdaanan ug bangko.
Ang Cebu City Jail nagkahiusa aron adunay tukma nga kapahulayan ug katulgan sa ilang isig ka frontliners tungod kay daku ang ilang pagsaludar ug respeto sa tanang frontliners. Ang Cebu City Jail mo-turnover usab unya og mga pillow cases, flat sheets ug blankets nga hinimo sa mga Persons Deprive of Liberty sa umaabot nga adlaw.
Ang Cebu City Jail naghupot sa panultihon nga “We Heal as One, Bayanihan Laban sa Covid 19” ug “Partner for Change.” /GMR (BANATNEWS)