CEBU, Philippines — Nipanaw na kagahapon sa hapon, sud sa usa ka pribadong tambalanan dinhi sa Sugbo ang showbiz columnist sa Banat News nga si Yuri o Roy Deldig sa tinuod nga kinabuhi sumala pa sa iyang suod nga higala nga nahinabi sa Banat News.
Ang 42 anyos nga si Yuri maoy host sa online show sa Banat News nga Banatanay Live Na Live.
Samtang ang mga kolum niya sa Banat News naglangkob sa Banatanay ug Bischika.
Talent scout usab siya sa GMA Artist Center ug nagsilbing host sa mga kalihokan sa GMA Regional TV.
Nahimo usab siya nga kabahin kaniadto sa morning show sa GMA Cebu nga Buena Mano ug sa variety show nga “Oi”.
Siya usab ang kasamtangang presidente sa grupo sa entertainment reporters sa Sugbo nga gitawag og E-Group. /IBM (BANATNEWS)