Samsam niobserbar sa curfew sa palibot, pipila masinupakon gihapon
CEBU, Philippines — Niuban si Talisay City Mayor Gerald Anthony “Samsam” Gullas Jr. sa pagpatuman sa curfew aron siya mismo makakita unsay reaksyon sa katawhan.
Uban niya mao si Police Major Gerard Ace Pelare, hepe sa Talisay City Police Station, niadtong Miyerkules sa gabii.
Kini aron maseguro nga ang kamanduan ni Gobernador Gwendolyn Garcia masunod aron ang makatakod nga coronavirus mapugngan sa pagkuyanap.
Gilibot ni Gullas ang nagkalain-laing barangay apan aduna gihapon pipila ang nagmasupakon nga naglaroy-laroy.
Tulo ka indibidwal ang gidakop ug gidala sa presinto sa Talisay City Police Station.
Gawas sa pagpatuman sa curfew, gipasabot sab ni Pelare ang mayor kung unsa ang ilang ipatuman o buhaton kung mahitabo gyud ang lockdown.
Hinuon sa pagkakaron nagpaabot lang sila sa kamanduan sa gobernador nga maoy nasayud sa sitwasyon. /GMR (BANATNEWS)
- Latest
