Kapitan Benedicto modangop sa Ombudsman
CEBU, Philippines — Si Kapitan Francisco Benedicto sa Barangay Zapatera, Dakbayan sa Sugbo ang nibahad nga modangop ngadto sa buhatan sa Ombudsman Visayas.
Kini tungod sa giingong pagtangtang sa iyang mga sakop dihang niserbisyo siya sa iyang preventive suspension sulod sa 60 ka adlaw nga gipahamtang kaniya sa Sangguniang Panglusod sa siyudad.
Si Benedicto nipasangil sa nihulip kaniya sa posisyon nga maoy nitangtang sa iyang mga sakop ug nitudlo usab kini og mga tawo nga mohulip. Human sa 60 ka adlaw nga pagkasuspenso nibalik dayon si Benedicto sa serbisyo ug nagpaabot usab kini nga mokanaog sa posisyon ang mga gipangtudlo nga kawani.
Si Benedicto nipadayag sa iyang kasagmuyo ug nibahad kining modangop ngadto sa Ombudsman aron mahatagan og kasulbaran ang maong problema.
Atol sa session sa nilabayng Lunes si Benedicto nangayo og postponement tungod kay wala siya moila sa secretary ug treasure.
Ug matud ni Benedicto nga expire na ang mga termino niini dungan sa OIC nga nagtudlo kanila. –/BDB (BANAT NEWS)
- Latest
